काठमाडौँ । हेटौंडा र काठमाडौं जोड्ने कान्ति लोकपथ सडकखण्ड अवरुद्ध भएको छ ।
मकवानपुरको भीमफेदी गाउँपालिका ८ र ललितपुरको वागमती गाउँपालिका २ को सीमास्थित बगुवा खोलाको डाइभर्सन बाढीले बगाएपछि सडक अवरुद्ध भएको छ ।
मकवानपुर प्रहरीका डिएसपी श्यामु अर्याल अनुसार सोमबार बिहान परेको पानीले डाइभर्सनका लागि राखिएका ह्युमपाइपहरू बगाएको हो ।
बगुवा खोलास्थित बागमती पुलको एकातर्फको भागलाई गत असोजमा आएको बाढीले बगाएको थियो।
पुलको मकवानपुरतर्फको भाग बगाएपछि डाइभर्सनबाट सडक सञ्चालन भइरहेको थियो।
