काठमाडौं । डिप्रोक्स लघुवित्त वित्तीय संस्था लिमिटेडले चालु आर्थिक वर्षको तेस्रो त्रैमाससम्मको अपरिष्कृत वित्तीय विवरण प्रकाशित गरेको छ। संस्थाले प्रकाशित गरेको विवरण अनुसार, संस्थाको नाफा र अन्य वित्तीय सूचकांकहरूमा वृद्धि भएको छ।
चैत मसान्तसम्ममा लघुवित्तले ४३ करोड २१ लाख रुपैयाँ खुद नाफा कमाएको छ।
कम्पनीको यो नाफा गत आर्थिक वर्षको सोही अवधिको तुलनामा ७०.८१ प्रतिशत बढी हो।
गत आर्थिक वर्षको सोही अवधिसम्म लघुवित्तले २५ करोड २९ लाख रुपैयाँ खुद नाफा कमाएको थियो।
खुद ब्याज आम्दानी
समीक्षा अवधिमा लघुवित्तको खुद ब्याज आम्दानी ५२.३५ प्रतिशत बढेको छ ।
खुद फि तथा कमिशन आम्दानी २१.६९ प्रतिशत घटेको छ।
लघुवित्तको कुल सञ्चालन आम्दानी समीक्षा अवधिमा ४०.६५ प्रतिशत र सञ्चालन मुनाफा ६८.८२ प्रतिशत बढेको छ।
प्रतिशेयर आम्दानी
नाफासँगै लघुवित्तको प्रतिशेयर आम्दानीमा समेत बढेको छ। समीक्षा अवधिमा लघुवित्तको यस्तो आम्दानी ११ रुपैयाँ ७ पैसा बढेर ३० रुपैयाँ ८४ पैसा पुगेको छ।
लघुवित्तको मूल्य आम्दानी अनुपात २५.१७ गुणा रहेको छ भने प्रतिशेयर नेटवर्थ १९५ रुपैयाँ ५१ पैसा रहेको छ।
वितरणयोग्य मुनाफा
चैत मसान्तसम्म लघुवित्तको वितरणयोग्य मुनाफा ३६ करोड १६ लाख रुपैयाँ रहेको छ भने वितरणयोग्य प्रतिशेयर आम्दानी १९ रुपैयाँ ३६ पैसा रहेको छ।
१ अर्ब ८६ करोड ८२ लाख रुपैयाँ चुक्ता पुँजी रहेको यस लघुवित्तको जगेडा कोषमा १ अर्ब ७८ करोड ४३ लाख रुपैयाँ सञ्चित छ।
तेस्रो त्रैमासको अन्त्यसम्ममा लघुवित्तले २२ अर्ब ३८ करोड ५८ लाख रुपैयाँ निक्षेप तथा सापटीबाट २५ अर्ब १ करोड ९८ लाख रुपैयाँ कर्जा परिचालन गरेको छ।
