काठमाडौं । साताको अन्तिम कारोबारका दिन आज पनि शेयर बजारको बढ्नेक्रमले निरन्तरता पाएको छ । आज सहित यस साताको ५ कारोबार नै शेयर बजारमा बढोत्तरी आएको छ ।
नेपाल स्टक एक्सचेञ्ज (नेप्से) १०.९८ अकंले बढेर २७०५.८१ बिन्दुमा कायम भएको छ ।
आज ३११ कम्पनीको २ करोड ४९ लाख ७६ हजार कित्ता शेयर किनबेच हुँदा ९ अर्ब ६४ करोड ५५ लाख रुपैयाँको कारोबार भएको छ ।
आज फाइनान्स समूहको शेयर मूल्य ४.०९ प्रतिशतले बढेको हो । साथै, निर्जीवन बीमा समूहको २.२४ प्रतिशत, म्युचुअल फण्ड समूहको १.२४ प्रतिशत, जीवन बीमा समूहको २.५६ प्रतिशतले शेयर मूल्य बढेको छ ।
सेयर बजारमा बढोत्तरी आउँदा आठ उपसूचक हरियाली भएको छ । उक्त दिन नेपाल फाइनान्सको सेयरमा सकरात्मक सर्किट लाएको छ । त्यसैगरी, खानीखोला हाइड्रोपावरको ७.१७ प्रतिशत, सम्वृद्धि फाइनान्सको ७.०८ प्रतिशत, भुगोल इनर्जी डेभलपमेन्ट कम्पनीको ६.७८ प्रतिशतले सेयर मूल्य बढेको छ।
