काठमाडौँ । विकास हाइड्रोपावरले सर्वसाधारणका लागि निष्काशन गरेको आइपीओमा दोस्रो दिनसम्म १ अर्ब ३७ करोड ९ लाख ६८ हजार रुपैयाँ बराबरको आवेदन परेको छ।
सीडीएसका अनुसार बिहीबार साँझसम्म ११ लाख १३ हजार ५८५ जनाले १ करोड ३७ लाख ६ हजार ९८० कित्ताका लागि आवेदन दिएको जनाएको छ। यो आवेदन मागभन्दा ४.६५ गुणा बढी हो ।
कम्पनीले असार १८ गतेदेखि सर्वसाधारणको लागि २९ लाख ४२ हजार ७६० कित्ता शेयर सर्वसाधारणका लागि निष्कासन गरेको हो ।
यसअघि ९ लाख ९ हजार १०१ कित्ता साधारण सेयर कम्पनीले आयोजना प्रभावित क्षेत्रका स्थानीय बासिन्दा र ३ लाख ५४ हजार ५५० कित्ता साधारण सेयर नेपाल सरकारको सम्बन्धित निकायबाट श्रम स्वीकृति प्राप्त गरी विदेशमा रोजगार गरिरहेका नेपालीहरूका लागि बाँडफाँट गरिसकेको छ ।
सर्वसाधारणलाई जारी भएको आइपीओको बिक्री असार २२ गते बन्द हुनेछ। आइपीओमा न्यूनतम १० कित्ताका लागि आवेदन दिनु पर्नेछ भने अधिकतममा १० हजार कित्ताका लागि आवेदन दिन सकिनेछ ।
