काठमाडौं । थप अनुसन्धान गर्न भन्दै विवादास्पद मेडिकल व्यवसायी दुर्गा प्रसाईंमाथि दुई दिन म्याद थप भएको छ । अनुसन्धान नसकिएपछि जिल्ला अदालत काठमाडौंले थप दुई दिनको म्याद दिएको हो ।
यसअघि नेपाल प्रहरीले जिल्ला सरकारी वकिलको कार्यालयमा फाइल भने बुझाइसकेको छ । प्रसाईं ५ मंसिरमा पक्राउ परेका थिए । प्रहरीले प्रसाईंले विद्युतीय अपराध नियन्त्रण ऐन, २०६३ विपरीतको कसुर गरेको भन्दै उनलाई पक्राउ गरेको थियो ।
