काठमाडौँ उपत्यका अपराध अनुसन्धान कार्यालयको टोलीले २५ करोड रुपैयाँसहित दुई जनालाई पक्राउ गरेको छ।
प्रहरीको टोलीले आज बिहान काठमाडौँको झोर महाकाल क्षेत्रबाट ना.१ ख १६५२ नम्बरको ट्रकबाट उक्त रकम बरामद गरेको हो । प्रहरीले ट्रक चालक सहित दुई जना पक्राउ परेका छन् ।
अनुसन्धान कार्यालयका प्रमुख एसएसपी रमेश बस्नेतका अनुसार बरामद रुपैयाँ गन्ने काम भइरहेको छ।
प्रहरीले अपराह्न दुई बजे पत्रकार सम्मेलन गरी बरामद रकम र पक्राउ परेका व्यक्ति सार्वजनिक गर्ने तयारी गरेको बस्नेतले जानकारी दिए।
बरामद रकम नेपाली रुपैयाँ, अमेरिकी डलर र युरो रहेको उपत्यका अपराध अनुसन्धान कार्यालयले जानकारी दिएको छ ।
