काठमाडौं। चितवनको साहरा सहकारी ठगी आरोपको अभियोग खेपिरहेका राष्ट्रिय स्वतन्त्र पार्टी (रास्वपा) का सभापति रवि लामिछानेको मुद्दा जिल्ला अदालत, चितवनका न्यायाधीश दयाराम ढकालको इजलासमा परेको छ।
मंगलबार जिल्ला अदालतमा रविसहित १५ जनाविरुद्ध सहकारी ठगीको अभियोगमा मुद्दा दर्ता भएको थियो। यो मुद्दाको पेसी मंगलबार ढकालको इजलासमा तोकिएको हो।
मुद्दा दर्ताको पहिलो नम्बरमा नै रविको नाम रहेकाले अहिले अदालतमा उनको बयान सुरु भएको छ ।
रविको बयान सकिएपछि थुनछेक बहस सुरु हुनेछ। सरकारी वकिल, जाहेरवालाको वकिल र रविको पक्षका वकिलबीच थुनछेक बहस सकिएपछि अदालतले साधारण तारिख र धरौटीमा छाड्ने या पुर्पक्षका लागि कारागार चलान गर्नेमध्ये कुनै एक निर्णय लिनेछन् ।
