काठमाडौं । नागरिक लगानी कोष (सीआईटी)ले कर्मचारी बचत वृद्धि अवकाश कोषमा सहभागीका लागि ऋण तथा सापटी सुविधामा महत्वपूर्ण परिवर्तन गरेको छ।
नयाँ संशोधित कार्यविधिअनुसार अब कोषमा आबद्ध भएको ६ महिनापछि नै सापटी सुविधा लिन सकिने भएको छ। यसअघि यस्तो सुविधा लिन १ वर्ष पूरा हुनुपर्ने व्यवस्था थियो।
त्यस्तै, अब एक आर्थिक वर्षमा २ पटकको सट्टा ४ पटकसम्म ऋण लिन पाइने व्यवस्था गरिएको छ।
कोषले रकम जम्मा रोकिएको वा सापटी नखाम्ने अवस्थामा ७ वर्षपछि खाता बन्द गर्न सकिने व्यवस्था पनि गरेको छ, जुन पहिले १० वर्ष थियो।
सीआईटीले संशोधित कार्यविधि तत्काल लागू हुने जनाएको छ।
