काठमाडौं । नागरिक लगानी कोषले चालु आर्थिक वर्षको पहिलो त्रैमाससम्मको वित्तिय विवरण सार्वजनिक गरेको छ । जसअनुसार कोषको खुद नाफा १३.६२ प्रतिशतले बढेर ३० करोड ९ लाख ८१ हजार रुपैयाँ पुगेको छ ।
कोषले गात आर्थिक वर्षको सोही अवधिमा २६ करोड ४८ लाख ९५ हजार रुपैयाँ खुद नाफा कमाएको थियो ।
यसअवधिमा कम्पनीको खुद ब्याज आम्दानी भने ३.७९ प्रतिशतले घटेर ११ करोड ९८ लाख २१ हजार रुपैयाँमा सीमित भएको छ।
१ वर्षको अवधिमा कोषको कुल आम्दानी १२.६० प्रतिशतले बढेर ५१ करोड ७० लाख १३ हजार रुपैयाँ पुगेको छ । अघिल्लो वर्षको यसैअवधिमा यसले ४५ करोड ९१ लाख ६१ हजार रुपैयाँ मात्रै कुल आम्दानी गरेको थियो ।
चालु आ.व.को पहिलो त्रैमाससम्म आइपुग्दा कोषको चुक्ता पुँजी ६ अर्ब ५ करोड ७६ लाख ७५ हजार रुपैयाँ छ । भने प्रतिसेयर आम्दानी १९ रुपैयाँ ८७ पैसपुगेको छ । यस्तै सेवा शुल्क तथा कमिसन आम्दानी १८.८६ प्रतिशतले बढेर ३९ करोड १६ लाख ५९ हजार रुपैयाँ पुगेको छ ।
