काठमाडौं । नेपाल बीमा प्राधिकरणले जीवन बीमा कम्पनीहरुले आठ महिनासम्ममा आर्जन गरेको बीमाशुल्कको तथ्यांक सार्वजनिक गरेको छ ।
सार्वजनिक तथ्यांक अनुसार आठ महिनाको अवधिसम्म्मा साढे ७९ अर्ब माथि अर्थात ५.१३ प्रतिशतले नविकरण बीमाशुल्क आर्जन उठाउन सफल भएको छ । आठ महिनाको अवधिमा जीवन बीमा कम्पनीहरुले कम्पनीहरुले ७९ अर्ब ८६ करोड ५५ लाख रुपैयाँ नविकरण बीमाशुल्क आर्जन गरेको हो ।
तथ्याङ्क अनुसार नेपाल लाइफले सबैभन्दा बढी अर्थात २२ अर्बको नविकरण बीमाशुल्क भित्र्याएको छ। नेशनल लाइफ, एशियन लाइफ, प्रभु महालक्ष्मी लाइफ, रिलायबल नेपाल लाइफ र हिमालयन लाइफको बृद्धिदर दोहोरो अंकले बढेको तथ्यांकमा उल्लेख छ ।
गत आवको तुलनामा सबैभन्दा धेरै एशियन लाइफको १३.११ प्रतिशतले बृद्धि हुँदा एशियन लाइफको १२.३९ प्रतिशतको बृद्धि हासिल गर्न सफल भएको छ । त्यस्तै, प्रभु महालक्ष्मी लाइफले १२.३७ प्रतिशतले व्यवसाय बृद्धि गर्दा रिलायबल नेपाल लाइफले ११.६५ प्रतिशतले बृद्धि गर्न सफल भएको छ ।
त्यस्तै, नेपाल लाइफ ७.८८ प्रतिशत, आइएमई लाइफ ७.७६ प्रतिशत, मेट लाइफ ७.१८ प्रतिशतले व्यवसाय बृद्धि गर्न सफल भएका छन् ।
