काठमाडौं । स्थानीय बजारमा आइतबार सुनको मूल्यमा ठूलो गिरावट आएको छ। छापावाल सुनको मूल्य एकैदिन प्रतितोला ९ हजार ५ सय रुपैयाँले घटेको नेपाल सुनचाँदी व्यवसायी महासंघले जनाएको छ।
महासंघका अनुसार शुक्रबार प्रतितोला ३ लाख १८ हजार ५ सय रुपैयाँमा कारोबार भएको छापावाल सुनको मूल्य आइतबार घटेर ३ लाख ९ हजार ५ सय रुपैयाँ कायम भएको छ।
यसैगरी, चाँदीको मूल्य पनि घटेको छ।
शुक्रबार प्रतितोला ४ हजार ९ सय ६५ रुपैयाँमा कारोबार भएको चाँदीको मूल्य आइतबार १८५ रुपैयाँले घटेर ४ हजार ७ सय ८० रुपैयाँ कायम भएको महासंघले जनाएको छ।
यससँगै आइतबार सुनसँगै चाँदीको मूल्यमा समेत उल्लेख्य गिरावट आएको छ।
