काठमाडौं । नेपाली बजारमा मंगलबार सुनको मूल्यमा उल्लेख्य गिरावट देखिएको छ। अघिल्लो कारोबार दिनको तुलनामा सुन प्रतितोला ४ हजार ५ सय रुपैयाँले घटेको हो।
नेपाल सुनचाँदी व्यवसायी महासंघका अनुसार आजका लागि सुनको मूल्य प्रतितोला २ लाख ७७ हजार ९ सय रुपैयाँ तोकिएको छ। यसअघि भने प्रतितोला २ लाख ८२ हजार ४ सय रुपैयाँ कायम रहेको थियो।
आजको दरअनुसार १० ग्राम सुनको मूल्य २ लाख ३८ हजार २५५ रुपैयाँ पुगेको छ।
सुनसँगै चाँदीको मूल्य पनि घटेको छ। चाँदी प्रतितोला २५ रुपैयाँले सस्तो हुँदै ४ हजार २८५ रुपैयाँमा कारोबार भइरहेको छ।
