काठमाडौँ । आज देशभर भएको यातायात बन्दको मौका छोपेर राइड सेयरिङ एप प्रयोगकर्ताहरूले धेरै भाडा लिएमा त्यसबारे उजुरी गर्न प्रहरीले जानकारि गराएको छ ।
बन्दको मौका पारेर बिहानैदेखि पठाओ र इनड्राइभ राइडरहरुले ‘अफलाइन बार्गेनिङ’ गर्ने गरेको गुनासो समाचारहरू बाहिरिएपछि त्यसबारे उजुरी गर्न प्रहरीले आग्रह गरेको छ।
प्रहरी प्रधान कार्यालयले सूचना जारी गर्दै राइडरहरुलाई धेरै भाडा नलिन आग्रह गरेको छ । धेरै भाडा लिएको पाइए नजिकको ट्राफिक प्रहरी कार्यालय वा १०३ नम्बरमा फोन गर्न प्रहरीले आग्रह गरेको छ ।
यता, पठाओ कार्यालयले भने आफूहरुले कुनै अफलाइन बार्गेनिङ र चर्को शुल्क नलिएको दाबी गरेको छ ।
