वाणिज्य बैंकहरूले घटाए मुद्दती निक्षेपको ब्याजदर,कुन बैंकको ब्याज कति ?

काठमाडौं : वाणिज्य बैंकहरूले भदौ महिनाका लागि मुद्दती निक्षेपको ब्याजदर घटाएका छन् । भदौ १ गतेदेखि लागू हुने गरी ५ वटा बैंकले व्यक्तिगत मुद्दती निक्षेपमा ब्याजदर घटाएका हुन् ।

यससँगै वाणिज्य बैंकहरूको औसत व्यक्तिगत मुद्दती निक्षेप ब्याजदर भदौ महिनाका लागि ०.०४ प्रतिशत बिन्दुले घटेर ४.१३ प्रतिशतमा झरेको छ ।

कुन बैंकले घटाए, कसले राखे यथावत्?

भदौ महिनाका लागि ५ वटा बैंकले ब्याजदर घटाएका छन् भने १५ वटा बैंकले भने आफ्नो ब्याजदर यथावत् राखेका छन् ।

• ब्याजदर घटाउने बैंकहरू : नेपाल बैंक, कुमारी बैंक, सिटिजन्स बैंक, स्ट्याण्डर्ड चार्टर्ड बैंक र सिद्धार्थ बैंक ।