काठमाडौं । आजको कारोबारमा सेयर बजार सामान्य रूपमा उकालो लागेको छ। नेप्से परिसूचक ८.७८ अंकले वृद्धि हुँदै २६६१.७१ विन्दुमा पुगेको छ।
१०८ वटा कम्पनीको सेयर मूल्य बढ्दा १५२ वटा कम्पनीको घटेको छ भने १३ वटा कम्पनीको स्थिर अवस्थामा रहेको छ ।
आज करिब ८९ लाखभन्दा बढी कित्ता सेयर किनबेच हुँदा कुल कारोबार रकम ४ अर्ब रुपैयाँ नाघेको छ।
बजारमा मिश्रित अवस्था देखिएको छ। केही कम्पनीहरूको सेयर मूल्य बढ्दा धेरै कम्पनीहरूको मूल्य घटेको छ भने केही कम्पनी स्थिर रहेका छन्।
कारोबारतर्फ लक्ष्मी सनराइज बैंक अग्रस्थानमा देखिएको छ, जहाँ सबैभन्दा बढी रकमको किनबेच भएको छ। त्यस्तै एनआईसी एशिया डिबेन्चर, रिलायन्स स्पिनिङ मिल्स, एभरेष्ट बैंक डिबेन्चर र नबिल बैंकका सेयरमा पनि उल्लेखनीय कारोबार भएको छ।
त्यसैगरी, अप्पर लोहोरे खोला र कांलगा हाइड्रोपावरको १५%, स्नो रिभर्सको १४.९९% र सानगाड हाइड्रोको १४.९७ प्रतिशतले सेयर मूल्य बढेको छ ।
