काठमाडौं । नेपाल राष्ट्र बैंकका गभर्नर महाप्रसाद अधिकारीले चालु आर्थिक वर्ष २०८१/८२ को मौद्रिक नीति आर्थिक गतिविधिलाई क्रियाशील बनाउने गरि ल्याएको उल्लेख गरेका छन् ।
आज मन्त्रालयमा मौद्रिक नीतिमाथि निजी क्षेत्रसँगको छलफल कार्यक्रमलाई सम्बोधन गर्दै गभर्नर अधिकारीले निजी क्षेत्र र आर्थिक गतिविधिमा निराशामा रहेको परिस्थितीलाई मध्यनजर गर्दै त्यसलाई उत्साहमा परिणत गर्नेगरि मौद्रिक नीति आएको उनको भनाई छ ।
साथै, गभर्नर अधिकारीले मौद्रिक नीति अन्तर्राष्ट्रिय पूँजीबजार, नेपालको अर्थतन्त्रको वर्तमान अवस्था र नेपाली समाजका आधारभूत आवश्यकताका आधारमा ल्याइएको दाबी समेत गरेका छन् ।
गभर्नर अधिकारीले केही ठाउँहरूबाट केही क्षेत्रहरू नसमेटिएको भन्ने गुनासो समेत आउने गरेको उल्लेख गर्दै राष्ट्र बैंकले सबै क्षेत्रलाई समान व्यवहार गरेको बताए।
निजी क्षेत्रलाई स्वतन्त्रता दिइएको भएपनि आर्थिक अस्थिरता पैदा हुनेगरी काम गर्न नदिने उनको भनाइ छ।
