काठमाडौं । नेपाल धितोपत्र बोर्डका अध्यक्ष रमेश हमालले आफु बजार सुधारका लागि स्पष्ट खाका बोकेर आएकाले कार्यकालको अन्तिम सेकेण्डसम्म पनि बजारलाई फाइदा पुग्ने काम गरेर जाने बताएका छन् ।
शुक्रबार नबिल स्टक डिलर लिमिटेडको सुभारम्भ समारोहमा बोल्दै उनले भने, ‘मैले सरकारलाई कुनै झोले योजना बुझाएर आएको होइन । गभर्नेन्स, इन्फोर्समेन्ट र इम्प्रुभमेन्ट गर्छु भनेर स्पष्ट खाकासहित आएको हुँ ।’
कार्यकाल सकिनै लाग्दा सेबोन अध्यक्ष हमालले संचारमाध्यमप्रति लक्षित गर्दै सेबोनबाट जाँदाजाँदै महत्वपूर्ण नीतिगत सुधारको काम गरेर जान आग्रह गरिनु पर्नेमा त्यस्तो नभइरहेको गुनासो गरे ।
२० दिन अनिवार्य राख्नु पर्ने र लकइन सकिएको १ हप्तासम्म पनि विवरण हटाउन नहुने उनले बताए । लकइन अवधिको सिस्टमबाट पुरानो ल्याकअप ट्रान्सप्यारेन्सीमा सुधार आएको उनले जिकिर गरे ।
लगानीकर्ताको हितमा नरहेका नीतिहरु तुरुन्तै परिवर्तन गर्न सकिने बताउँदै उनले नियामकहरु पूरानै मान्यताबाट चलिरहेको कुरा आफुलाई स्वीकार्य नहुने धारणा राखे । यस्तै, हमालले १० प्रतिशत शेयर जारी गर्ने नीति सबै खाले कम्पनीहरुका लागि न्यायोचित रहेको जिकिर समेत गरेका छन् ।
