काठमाडौं। उपप्रधान तथा गृहमन्त्री रवि लामिछानेले महिनावारी भएको समयमा महिला ट्राफिकलाई चार दिन बिदा दिने घोषणा गरेका छन्।
गणतन्त्र दिवसको अवसरमा गृहमन्त्री लामिछानेले महिला ट्राफिकलाई रजस्वला हुँदा चार दिन बिदा दिने सामाजिक संजाल मार्फत जानकारी दिएका छन् ।
उनले आफ्नो स्टाटसमा लेखेका छन्, ‘गणतन्त्र दिवसको अवसरमा शुभकामना सहित एउटा सानो प्रयासः अब देखि महिला ट्राफिक प्रहरीहरूले महिनावारीका ४ दिन सडकमा डिउटी गर्नु पर्दैन, मापसे लगायत ट्राफिक नियमको उलङ्घन गर्नेहरूले स्वयम् सेवकका रुपमा उहाँहरुको साटो सडकमा सघाउनु हुनेछ।
