काठमाडौँ । साताको दोस्रो कारोबार दिन मंगलबार सेयर बजारमा सामान्य सुधार देखिएको छ।
नेपाल स्टक एक्सचेञ्ज (नेप्से) परिसूचक ७.२५ अंकले उकालो लाग्दै २७२६.४९ बिन्दुमा पुगेको छ।
बजार मिश्रित देखिएको छ। कुल सूचीकृत कम्पनीमध्ये १०३ वटाको सेयर मूल्य बढ्दा १६२ वटामा गिरावट आएको छ भने १२ वटाको मूल्य स्थिर रहेको छ।
आज केही कम्पनीका सेयरमा उल्लेख्य वृद्धि देखिएको छ। एभरेष्ट कलर करिब १५ प्रतिशतले उकालो लाग्दा कालंगा हाइड्रो, बोटलर्स नेपाल (बालाजु), सानिगाढ हाइड्रो र स्नो रिभर्सका लगानीकर्ताले पनि राम्रो प्रतिफल पाए।
त्यसैगरि, रिडी पावरको सर्वाधिक सेयर खरिदबिक्री भएको छ । कम्पनीको आज ५५ करोड ७७ लाख रुपैयाँमाथिको कारोबार भएको छ ।
आँखुखोला जलविद्युतको ३१ करोड ३७ लाख, रिलायन्स स्पिनिङ मिल्स्को २७ करोड ३४ लाख, हिमालयन रि इन्स्योरेन्सको २२ करोड १ लाख, एनआरएन इन्फ्रास्ट्रक्चरको २२ करोड रुपैयाँमाथिको कारोबार भएको छ ।
