काठमाण्डौ । आईपीओ निष्कासनको अनुमति माग गर्दै ३ वटा कम्पनीले नेपाल धितोपत्र बोर्ड(सेबान)समक्ष आवेदन पेश गरेका छन् । जसमा दुईवटा जलविद्युत र एउटा लघुबीमा कम्पनी रहेका छन् ।
सेञ्चुरी इनर्जी लिमिटेडले मंसिर १४ गते, ह्याबिट्याट पावर कम्पनीले मंसिर २१ गते र लिबर्टी माइक्रो इन्स्योरेन्सले मंसिर २० गते आवेदन दिएका हुन् । सेञ्चुरी इनर्जीले स्थानिय र आम सर्वसाधारणका लागि प्रिमियम मूल्य प्रतिकित्ता २७५.११ रुपैयाँमा ८ करोड २५ लाख ३३ हजार रुपैयाँबराबरका कुल ३ लाख कित्ताका लागि आवेदन माग गरेको छ ।
त्यस्तै,ह्याबिट्याट पावरले पनि स्थानिय बासिन्दा र आम सर्वसाधारणका लागि ११ करोड रुपैयाँबराबरको रु.१०० अंकित दरका ११ लाख कित्ता आईपीओ निष्कासनको अनुमति माग गरेको छ । कम्पनीको आईपीओ निष्कासन तथा बिक्री प्रबन्धकको रुपमा मुक्तिनाथ क्यापिटल रहेको छ ।
लिबर्टी माइक्रो इन्स्योरेन्सले पनि २२ करोड ५० लाख रुपैयाँबराकरको रु.१०ण् अंकित दरका २२ लाख ५० हजार कित्ता आईपीओ निष्कासनका लागि सेबोनमा आवेदन दिएको छ । कम्पनीको आईपीओ बिक्री प्रबन्धकको रुपमा एनआईएमबी एस क्यापिटल रहेको छ ।
