काठमाडौँ । कक्षा १२ को परीक्षा फलाफल आज (सोमबार) साँझ सार्वजनिक हुने भएको छ। राष्ट्रिय परीक्षा बोर्डले नतिजा सार्वजनिक गर्न आज साँझ ५ बजे बैठक बस्ने तयारी गरेको हो ।
परीक्षा बोर्डका अनुसार, आइतबार नतिजा प्रकाशन प्रणालीको डेमो परीक्षण सफल भएसँगै आज अन्तिम निर्णयसहित नतिजा सार्वजनिक गर्ने तयारी गरिएको जानकारी दिएको छ ।
“हिजो डेमो गरिएको थियो। आज नतिजा सार्वजनिक गर्ने तयारी गरिएको हो,” केही प्राविधिक समस्या नआएको खण्डमा साझ ६ बजेसम्म रिजल्ट प्रकाशनको तयारीमा छौ । बोर्डका एक अधिकारीले भने
पाठ्यपुस्तक क्यालेन्डर अनुसार परीक्षा नतिजा १५ साउनभित्र सार्वजनिक हुनुपर्ने भए पनि गत चैत २० गतेदेखि सुरु भएको २९ दिन लामो शिक्षक आन्दोलनका कारण मूल्याङ्कन ढिलो भएको र त्यसले गर्दा नतिजा प्रकाशनमा समेत ढिलाइ भएको हो।
राष्ट्रिय परीक्षा बोर्डले गत वैशाख १६ गतेदेखि २६ गतेसम्म देशभर सञ्चालन गरिएको कक्षा १२ को परीक्षा दिएकाहरूको नतिजा आज साँझ वेबसाइट, एसएमएस र मोबाइल एपमार्फत हेर्न सकिने व्यवस्था मिलाउने तयारी गरेको छ।
