काठमाडौँ । नेपाल राष्ट्र बैंकको गभर्नरको लागि सरकारले मापदण्ड नै परिवर्तन गरेको छ । उमेरहद सम्बन्धी मापदण्ड हटाएको हो । ‘अर्थ मन्त्रालय सम्बद्ध सार्वजनिक निकायका पदाधिकारी र सदस्य नियुक्तिसम्बन्धी मापदण्ड २०७३’ मा संशोधन गरी उमेरको अधिकतम हदसम्बन्धी व्यवस्था नै हटाइएको छ।
यस अघि मापदण्डमा ३५ वर्ष उमेर पार गरी ६५ वर्ष ननाघेको हुनुपर्ने उल्लेख थियो।
https://aarthikvoice.com/archives/59355
गभर्नर सिफारिस समितिले अन्तिम तीन जनाको नाम टुंग्याउने क्रममै रहेको छ । यहि समयमा मापदण्ड परिवर्तन गर्नले सरकार माथि प्रश्न उठेको छ । यस किसिमको नीतिगत बेथितिले नयाँ गभर्नर ६५ वर्ष आसपास रहेको वा उक्त उमेर हद पार गरेको व्यक्तिहरू आउने देखिन्छन् । अहिले चर्चामा आएको तीन जना व्यक्ति उक्त उमेर समूहका छन् । राष्ट्रिय वाणिज्य बैंकको सीईओबाट भर्खरै बाहिरिएका किरणकुमार श्रेष्ठ, त्यस्तै हाल नेपाल राष्ट्र बैंकका सञ्चालक रहेका डा.रवीन्द्र पाण्डे र पूर्व मुख्य सचिव राजेन्द्र किशोर क्षेत्री ।
https://aarthikvoice.com/archives/59566
उमेरहदको सीमा हटाइएसँगै अर्थमन्त्री विष्णु पौडेलले यही तीन जनामध्येमा एक जना लिन चाहेको देखिन्छ । अर्थमन्त्री पौडेलले आफू निकट व्यक्तिलाई ल्याउनका लागि रातारात उमेरको अधिकतम हदसम्बन्धी व्यवस्था नै परिवर्तन गरेको भन्दै आलोचना सुरु भएको छ । बैंक वित्त जानकारहरू भने आगामी गभर्नर स्वार्थ केन्द्रित नभएर केन्द्रीय बैंकको उचाइ बढाउने, चरित्रवाण, सक्षम र नीतिगत दक्खल राख्ने सबै क्षेत्रमा ज्ञान भएको आउनुपर्ने बताउँदै आएका छन् ।
राष्ट्र बैंकको गभर्नर नियुक्ति रोचक बन्दै गएको छ। गभर्नर बन्ने आकांक्षीहरू धमाधम जागिर छोडिरहेका छन्। राष्ट्र बैंकका कार्यकारी निर्देशक डा. प्रकाशकुमार श्रेष्ठले पदबाट राजीनामा दिएसँगै गभर्नरको चर्चा झनै चुलिएको हो ।
https://aarthikvoice.com/archives/50818
त्यसअगाडि पनि अर्का एक आकांक्षीले राजीनामा दिएका थिए । गभर्नर बन्ने दौडमा रहेका नविल बैंकका प्रमुख कार्यकारी अधिकृत (सिइओ) ज्ञानेन्द्र ढुंगानाले पदबाट राजीनामा दिएका थिए। बैंकका सीइओहरुले धमाधम राजीनामा दिँदै गभर्नरको निमित्त लागी परेको अन्तिम समयमा आएर अर्थमन्त्रीको भूमिका र उमेरको अधिकतम हदसम्बन्धी व्यवस्था नै हटाइनुले सरकारप्रति अविश्वास बढ्नुको साथै प्रश्न चिन्ह खडा भएको छ ।
https://aarthikvoice.com/archives/59878
