काठमाडौँ । काठमाडौँको टोखा क्षेत्रबाट २०८१ चैत ४ गते राति करिब १० बजेतिर २५ करोड रुपैयाँ बराबरको युरो र डलरसहित पक्राउ परेका नारायण पौडेललाई अदालतले ३५ लाख धरौटीमा रिहा गर्न आदेश दिएको छ।
काठमाडौँ जिल्ला अदालतका न्यायाधीश कृष्णप्रसाद शर्माको इजलासले असार ३२ गते उनलाई धरौटीमा रिहा गर्न आदेश दिएको हो। राजस्व अनुसन्धान विभागले पौडेल र ट्रक (कन्टेनर) चालक कुसाङ लामा ‘फुच्चे’लाई प्रतिवादी बनाउँदै वैशाख २ गते मुद्दा दायर गरेको थियो।
टोखा–झोर महांकालबाट ना.
उनीहरू विरुद्ध विदेशी विनिमय (नियमित गर्ने) ऐन २०१९ अन्तर्गतको कसुरमा मुद्दा चलाइएको हो।टोखा–१० स्थित महादेवटार हाइटमा बसोबास गर्दै आएका नारायण पौडेल पुराना खासा व्यापारी हुन्।
अनुसन्धानमा संलग्न अधिकारीहरूका अनुसार, पौडेलले दिइएको ठूलो परिमाणको विदेशी मुद्रा लिएर चालक कुसाङ ‘फुच्चे’ केरुङतर्फ जाँदै थिए। उनीहरूको योजना चीनको केरुङबाट सुन खरिद गरी नेपाल भित्र्याउने रहेको खुलेको छ।
