काठमाडौं । नेपाल स्टक एक्सचेन्ज (नेप्से) को सीइओमा नारदकुमार लुईंटेल नियुक्त भएका छन् ।
सोमबार (आज) बसेको मन्त्रिपरिष्द बैठकले लुईंटेललाई सीइओ नियुक्त गर्ने निर्णय गरेको हो। नेप्से सीइओका लागि ५ जना सर्टलिस्टमा परेका थिए ।
नेप्सेको सीईओका लागि लुईंटेलसहित चुडामणि चापागाईं, पूर्णप्रसाद आचार्य, बद्रीप्रसाद प्याकुरेल र हेमन्त बस्यालको नाम सिफारिस भएको थियो ।
उनीहरू मध्येबाट लुईंटेललाई नियुक्त गरिएको हो ।
लुईंटेलसँग यसअघि नेपाल पर्यटन तथा होटल व्यवस्थापन प्रतिष्ठान (नाथम) को कार्यकारी निर्देशक तथा तारागाउँ विकास समितिको सञ्चालक समिति अध्ययक्ष र सदस्यसचिवका रूपमा काम गरेको अनुभव छ ।
