काठमाडौँ । काठमाडौँ महानगरपालिकाले महानगर क्षेत्रभित्र सञ्चालित सबै अस्पतालहरुलाई १५ दिनभित्र आफ्नै फार्मेसी सञ्चालन गर्नका लागि निर्देशन दिएको छ।
महानगरपालिकाको स्वास्थ्य विभागले एक सूचना जारी गर्दै महानगर क्षेत्रभित्र सञ्चालित अस्पतालहरूले अनिवार्य रूपमा आफ्नै फार्मेसी सञ्चालन गर्न निर्देशन सूचनामा भनिएको छ ।
हाल महानगर क्षेत्रभित्र सञ्चालित अधिकांश अस्पतालहरूको आफ्नो स्वामित्वमा फार्मेसी सञ्चालन नगरेका महानगरले जनाएको छ । तसर्थ, अस्पतालहरूले अन्य व्यक्तिहरूलाई फार्मेसी सञ्चालन गर्न अनुमति दिँदा उपभोक्ताहरू गुणस्तरीय फार्मेसी सेवाबाट वञ्चित भइरहेको सूचनामा उल्लेख छ ।
