काठमाडौँ। नेकपा एकीकृत समाजवादीका अध्यक्ष माधव कुमार नेपालको बयान सकिएको छ। बयान सकिएपछि दिउँसो ३ बजेबाट पूर्व प्रधानमन्त्री नेपालको थुनछेक बहस हुनेछ ।
मुद्दा अभियोजन गरेको अख्तियारको तर्फबाट विशेष सरकारी वकिलको कार्यालयका प्रमुख मोहन सागर बस्यालसहित सरकारी वकिलको टोलीले बहस गर्ने भएका छन् । बहसकै लागि अख्तियारले पनि सहन्यायाधीवक्ताको नेतृत्वमा केही सरकारी वकिलहरू पठाउने तयारी गरेको छ।
पूर्व प्रधानमन्त्री माधवकुमार नेपालको तर्फबाट बहस गर्ने भनी करिब एक सय कानुन व्यवसायीहरूले वकालतनामा भरेका छन्। बहस गर्ने कानुन व्यवसायीहरूका लागि वकालतनामाको फारममा पूर्व प्रधानमन्त्री नेपालले हस्ताक्षर गरेर राखिदिएका हुन्।
