काठमाडौँ । बैंकहरुको मुद्दती निक्षेपमा नेपाल राष्ट्र बैंकले ४ अर्ब करोड लगानी गर्ने जनाएको छ । केन्द्रीय बैंकले आज सोमबार एक सूचना जारी गर्दै बैंकहरुमा उक्त रकम लगानी गर्ने उल्लेख गरेको छ ।
केन्द्रीय बैंकले बैंकहरुको विभिन्न पेन्सन कोषमा रहेको ४ अर्ब ४ करोड ७९ करोड रुपैयाँ मुद्दती निक्षेपका रूपमा लगानी गर्ने भएको हो ।
राष्ट्र बैंकले क वर्गका वाणिज्य बैंकमा ३ अर्ब २३ करोड ८५ लाख रुपैयाँ, ख वर्गका राष्ट्रिय स्तरका विकास बैंकमा ६० करोड ७१ लाख रुपैयाँ र ग वर्गका राष्ट्रिय स्तरका वित्त कम्पनीमा २० करोड २३ लाख रुपैयाँ मुद्दती निक्षेपमा जानकारी गराएको छ।
मुद्दती निक्षेपका रूपमा लिन चाहने बैंकहरुले मंसिर १९ गते राति १२ बजेसम्म ब्याजदर प्रस्ताव गर्न राष्ट्र बैंकले आह्वान गरेको छ। यस्तो मुद्दती निक्षेप २०२४ डिसेम्बर १६ देखि २०२५ डिसेम्बर १६ सम्म ३६६ दिनका लागि बैंकले जारी गरेको सूचनामा उल्लेख छ ।
