काठमाडौँ । राष्ट्रिय स्वतन्त्र पार्टी (रास्वपा) का सांसदहरूले संसद् अवरोध जारी पछि प्रधानमन्त्रीसँग प्रश्नोत्तर कार्यक्रम कार्यसूचीबाट हटाइएको छ ।
रास्वपा र राप्रपाको विरोधबिच प्रतिनिधिसभा बैठकमा प्रधानमन्त्रीसँग प्रश्नोत्तर कार्यक्रम कार्यसूचीबाट हटाइएको हो । सभामुख देवराज घिमिरेले संसद् बैठक गरेको केही समयमै रास्वपा सांसदहरू आआफ्नो ठाउँबाट उठेर बैठक अवरुद्ध गरेका हुन् ।
आज प्रधानमन्त्री केपी शर्मा ओलीसँग प्रश्नोत्तर कार्यक्रम राखिएको दिन रास्वपाका पुरुष सांसदहरू कालो कपडा र निलो रिबनसहित संसद् भवन पुगेका थिए । उनीहरूले भिजिट भिसा प्रकरणमा गृहमन्त्री रमेश लेखकको राजीनामा र छानबिन समितिको अडान कायमै राख्दै सदन अवरोध गरेका हुन्।
