काठमाडौँ– त्रिभुवन अन्तर्राष्ट्रिय विमानस्थलबाट १ किलो भन्दा बढी परिमाणमा सुन जस्तो देखिने पहेँलो रङ्गको अर्धठोस वस्तु सहित एक भारतीय नागरिक पक्राउ परेका छन् ।
पक्राउ पर्नेमा भारती नागरिक ५३ वर्षीया मीना सुर्जित सिंह खेमानी छिन् । उनलाई मंगलबार राति नै विमानस्थलबाट प्रहरीले पक्राउ गरेको जानकारी दिएको छ ।
१ किलो १५९ ग्राम सुनसहित उनलाई प्रहरीले पक्राउ गरेको हो । अर्धठोसको स्वरूपमा उक्त सुन ल्याइएको प्रहरीले बताएको छ ।
एयर अरेबियाको उडानमार्फत शारजाहबाट काठमाडौँ आएकी उनलाई संका लागेर जाँच गर्दा सुन फेला परेको प्रहरीले बताएको छ ।
