काठमाडौँ । साताको अन्तिम कारोबारका दिन आज सेयर बजार गिरावट आएको छ । आजसहित बजार लगातार चौथो दिन घटेको हो । यस दिन बजारमा २.७० अंकको झिनो गिरावट आएको हो।
नाफा बुक गर्नेको सङ्ख्या बढेसँगै नेप्सेमा गिरावट आएको हो। आज नेप्से सूचक २८१८.४३ अंकमा अडिएको छ। आज ३१० कम्पनीको १ करोड ९० लाख ४१ हजार कित्ता शेयर किनबेच हुँदा १० अर्ब १० करोडको शेयर कारोबार भएको छ।
त्यस्तै, ४ वटा कम्पनी सकारात्मक सर्किट लेबलमा कारोबार भएका छन् । ४ वटा समूहको सूचक बढेका छन्। बजार नियमित र स्वाभाविक प्रक्रिया अनुसार नै करेक्सनमा गएको जानकारहरूको भनाई छ । यसअघि उच्च अंकले बजार बढेका विन्दुहरूमा ‘ग्याप फिल’ गर्नका लागि नेप्से घटेको उनीहरूको भनाई छ। अब करेक्सन चक्र पूरा हुने बित्तिकै बजारले पुनः गति लिन सक्ने उनीहरूको भनाई छ ।
त्यसो त नाफामा बेचेकाहरू फेरि बजार प्रवेश गर्नका लागि समय कुरेर बसेका हुन्छन् । यता, घटेको बेला धेरैजसो लगानीकर्ता ‘पर्ख र हेर’कै अवस्थामा रहनुले पनि कारोबार रकमसमेत प्रभावित भएको हो । आज आज बैंकिङ समूहको ०.०३ प्रतिशत, विकास बैंक समूहको १.८६ प्रतिशत शेयर बढेको हो।
