काठमाडौं । चार ओटा जीवन बीमा कम्पनीले प्रिमियम मूल्यमा आईपीओ निष्कासन गर्ने तयारी गरेका छन् ।
नेपाल धितोपत्र बोर्डका अनुसार रिलायबल नेपाल लाइफ, आईएमई लाइफ, सिटिजन लाइफ र सन नेपाल लाइफ इन्स्योरेन्स कम्पनीले प्रिमियम मूल्यमा आईपीओ निष्कासन गर्ने तयारीमा छन् । ती चार ओटै कम्पनीले यसअघि नै नियामक निकाय नेपाल धितोपत्र बोर्डमा निवेदन दिइसकेका छन् ।
रिलायबल नेपालले १ करोड २० लाख कित्ता आईपीओ निष्कासन गर्न लागेको छ ।
उता आईएमई लाइफले पनि १ करोड २० लाख कित्ता आईपीओ निष्कासन गर्नका लागि निवेदन दिएको छ । कम्पनीले अंकित मूल्यमा रू. १७६ प्रिमियम मूल्य थप गरी प्रतिकित्ता रू. २७६ मा आईपीओ निष्कासन गर्ने तयारी गरेको छ ।
सिटिजन लाइफले अंकित मूल्यमा रू. १९० प्रिमियम थप थरी प्रतिकित्ता रू.२९० मा १ करोड १२ लाख ५० हजार कित्ता आईपीओ निष्कासन गर्ने तयारी गरेको छ ।
कारोबारमा आएका कम्पनीमध्ये सबैभन्दा बढी शेयर मूल्य लाइफ इन्स्योरेन्स कर्पोरेशन (नेपाल) को प्रतिकित्ता रू. १ हजार ३२५ रहेको छ । लगानीकर्ताले आईपीओ होस् या धितोपत्रको दोस्रो बजारमा लगानी गर्दा कम्पनीको वित्तीय अवस्था राम्रोसँग हेर्न आवश्यक छ ।
