एजेन्सी । काजकिस्तान स्थित अक्ताउ शहर नजिकै यात्रुवाहक विमान दुर्घटना भएको छ । उक्त विमान अजरबैजान एयरलाइन्सद्वारा सञ्चालित थियो र बाकुबाट रुसको चेचेन्यास्थित ग्रोज्नीका लागि उडिरहेको थियो ।
रूसी समाचार एजेन्सीहरूका अनुसार ग्रोज्नीमा व्यापक कुहिरोका कारण अवतरण गर्न नसक्दा विमान अक्ताउतर्फ डाइभर्ट गरिएको थियो ।
एजेन्सीका अनुसार केही यात्रीहरू बाँच्न सफल भएको देशको आपतकालीन मन्त्रालयले एक विज्ञप्तिमा जनाएको छ ।
मन्त्रालयका अनुसार घटनास्थलमा लागेको आगो नियन्त्रणमा ल्याउन आपतकालीन सेवाहरू जुटिरहेका छन् ।
कजाख सञ्चारमाध्यमका अनुसार, विमानमा १०५ यात्रु र पाँच चालक दलका सदस्य सवार थिए । अजरबैजान एयरलाइन्सबाट तत्काल कुनै प्रतिक्रिया प्राप्त हुन सकिरहेको छैन ।
