काठमाडौँ । अमेरिकन एयरलाइन्सको विमान आकाशमै एउटा हेलिकप्टरसँग ठोक्किएर दुर्घटना भएको छ ।
६४ जना यात्रु सवार विमान रेगन राष्ट्रिय विमानस्थल नजिकै अमेरिकी सेनाको ब्ल्याक हक हेलिकप्टरसँग हावामा ठोक्किएर दुर्घटना भएको अन्तर्राष्ट्रिय सञ्चार माध्यमले जनाएको छ ।
हेलिकप्टरमा ३ सैनिक सवार थिए। अहिले फायरबोटले नदीमा विमान खोजिरहेको डीसी फायर एन्ड ईएमएस विभागले जनाएको छ।
त्यहाँ कयौँ एम्बुलेन्स र दमकल तैनाथ गरिएको छ।
रेगन राष्ट्रिय विमानस्थलमा सबै उडान र अवतरण रोकिएको छ। विमान र हेलिकप्टरमा सवार यात्रुको अवस्था थाहा हुन सकेको छैन।
वाशिङटन डिसीको रोनल्ड रेगन विमानस्थलको धावनमार्ग ३३ मा अवतरण गर्ने तयारीका क्रममा हेलिकप्टरसँग आकाशमा ठोक्किएको र पोटोम्याक नदीमा खसेको अमेरिकाको संघीय नागरिक उड्डयन निकायले जनाएको छ ।
