काठमाडौँ । चालु आर्थिक वर्ष २०८१/८२ को पहिलो महिनामा १७ वटा विकास बैंकहरुले ८५ करोड रुपैयाँ खुद नाफा आर्जन गरेका छन् ।
नेपाल राष्ट्र बैंकको तथ्यांक अनुसार विकास बैंकहरुले ८५ करोड ३८ लाख रुपैयाँ खुद नाफा कमाएका हुन् । केन्द्रीय बैंकले सार्वजनिक गरेको साउन महिनाको तथ्यांकअनुसार ६ वटा विकास बैंक घाटामा रहेको र ११ विकास बैंक नाफामा रहेको उल्लेख गरेको छ।
साउन महिनामा धेरै नाफा आर्जन गर्ने बैंकमध्येमा अग्रस्थानमा साइन रेसुङ्गा डेभलपमेन्ट बैंक रहेको छ।
यसैगरी क्रमशः महालक्ष्मी विकास बैंकले १० करोड ५७ लाख, गरिमा विकास बैंकले ९ करोड ४६ लाख र कामना सेवा विकास बैंकले ८ करोड ५८ लाख रुपैयाँ खुद नाफा कमाएका छन् । साथै उक्त अवधिमा ज्योति विकास बैंकले ८ करोड ३७ लाख, सांग्रिला डेभलपमेन्ट बैंकले, ६ करोड ८१ लाख, र लुम्बिनी विकास बैंकले ३ करोड ६३ लाख नाफा आर्जन गरेका छन् ।
राष्ट्रबैैंकको तथ्याकं अनुसार सिन्धु विकास बैंकले ३१ लाख, सलपा विकास बैंकले २९ र कर्पोरेट डेभलपमेन्टले १६ लाख नाफा आर्जन गरेका छन् । साथै, सोही ससय अवधिमा सबैभन्दा धेरै एक्सेल डेभलपमेन्ट बैंकले घाटा बेहोरेको छ । बैंकले ६ करोड ३७ लाख रुपैयाँ घाटा बेहोरेको हो ।
क्रमशः ग्रिन डेभलपमेन्ट बैंकले ८६ लाख, सप्तकोशी डेभलपमेन्ट बैंकले ५४ लाख, नारायणी डेभलपमेन्ट बैंकले ५१ लाख, कर्णाली डेभलपमेन्ट बैंकले ४८ र मितेरी डेभलपमेन्ट बैंकले २२ लाख रुपैयाँ घाटा ब्यहोरेको राष्ट्रबैंकले सार्वजनिक गरेको तथ्याकंमा उल्लेख गरिएको छ ।
