काठमाडौं । नेपाली बजारमा सुनको मूल्य मंगलबार उल्लेख्य रूपमा घटेको छ । नेपाल सुनचाँदी व्यवसायी महासंघका अनुसार छापावाल सुनको मूल्य एकैदिन प्रतितोला ३ हजार ८ सय रुपैयाँले घटेको हो ।
सोमबार प्रतितोला २ लाख ९४ हजार ३ सय रुपैयाँमा कारोबार भएको छापावाल सुन मंगलबार घटेर २ लाख ९० हजार ५ सय रुपैयाँ कायम भएको छ ।
यससँगै एक दिनमै सुनको मूल्य ३ हजार ८ सय रुपैयाँले सस्तिएको हो ।
सुनसँगै चाँदीको मूल्यमा पनि गिरावट आएको छ ।
महासंघका अनुसार सोमबार प्रतितोला ४ हजार ५१० रुपैयाँ रहेको चाँदीको मूल्य मंगलबार ११५ रुपैयाँले घटेर ४ हजार ३९५ रुपैयाँमा झरेको छ ।
पछिल्लो मूल्यअनुसार सुन र चाँदी दुवैको भाउमा एकैदिन उल्लेख्य कमी आएको छ ।
