काठमाडौं । नेपाली बजारमा शुक्रबार सुनको मूल्य उल्लेख्य रूपमा बढेको छ । छापावाल सुनको मूल्य एकैदिन प्रतितोला ३ हजार ६ सय रुपैयाँले बढेर ३ लाख ३ हजार १ सय रुपैयाँ पुगेको हो ।
नेपाल सुनचाँदी व्यवसायी महासंघका अनुसार बिहीबार छापावाल सुन प्रतितोला २ लाख ९९ हजार ५ सय रुपैयाँमा कारोबार भएको थियो । शुक्रबार भने मूल्य बढेर ३ लाख ३ हजार १ सय रुपैयाँ कायम भएको हो ।
यससँगै सुनको मूल्य पुनः ३ लाख रुपैयाँको मनोवैज्ञानिक सीमाभन्दा माथि पुगेको छ ।
यस्तै, शुक्रबार चाँदीको मूल्य पनि बढेको छ । महासंघका अनुसार बिहीबार प्रतितोला ४ हजार ६ सय २५ रुपैयाँ रहेको चाँदीको मूल्य शुक्रबार १ सय ५० रुपैयाँले बढेर ४ हजार ७ सय ७५ रुपैयाँ पुगेको छ ।
यसदिन सुनसँगै चाँदीको मूल्यमा समेत वृद्धि भएको महासंघले जनाएको छ ।
