काठमाडौं । स्थानीय बजारमा बिहीबार सुनचाँदीको मूल्य घटेको छ। नेपाल सुनचाँदी व्यवसायी महासंघका अनुसार छापावाल सुनको मूल्य प्रतितोला १ हजार २ सय रुपैयाँले घटेको हो।
बिहीबार छापावाल सुन प्रतितोला ३ लाख २० हजार ९ सय रुपैयाँमा कारोबार भइरहेको छ। बुधबार भने सुनको मूल्य प्रतितोला ३ लाख २२ हजार १ सय रुपैयाँ थियो।
त्यस्तै, १० ग्राम सुनको मूल्य बिहीबार २ लाख ७५ हजार १ सय २० रुपैयाँ कायम भएको छ। यो अघिल्लो दिनको तुलनामा १ हजार ३० रुपैयाँ कम हो।
सुनसँगै चाँदीको मूल्य पनि घटेको छ। महासंघका अनुसार बिहीबार चाँदी प्रतितोला ४ हजार ९ सय ६५ रुपैयाँमा कारोबार भइरहेको छ।
बुधबार प्रतितोला ४ हजार ९ सय ७५ रुपैयाँ रहेको चाँदीको मूल्य बिहीबार १० रुपैयाँले घटेको हो।
