काठमाडौं । स्थानीय बजारमा मंगलबार सुनको मूल्यमा उल्लेख्य वृद्धि भएको छ । नेपाल सुनचाँदी व्यवसायी महासंघका अनुसार आज सुनको मूल्य प्रतितोला ३ हजार ५०० रुपैयाँले बढेर ३ लाख ५ हजार ४०० रुपैयाँ पुगेको छ ।
सोमबार सुन प्रतितोला ३ लाख १ हजार ९०० रुपैयाँमा कारोबार भएको थियो । मंगलबारको मूल्यअनुसार १० ग्राम सुनको मूल्य २ लाख ६१ हजार ८३० रुपैयाँ कायम भएको महासंघले जनाएको छ ।
यस्तै, चाँदीको मूल्यमा पनि वृद्धि भएको छ । चाँदी प्रतितोला १०० रुपैयाँले बढेर ४ हजार ७९० रुपैयाँ पुगेको छ । सोमबार चाँदी प्रतितोला ४ हजार ६९० रुपैयाँमा कारोबार भएको थियो ।
