सुनसँगै चाँदीको भाउ पनि घट्यो, कति पुग्यो आजको मूल्य?

काठमाडौं । सुनको मूल्य आज एकैदिन तोलामा ३ हजार २०० रुपैयाँले घटेको छ। नेपाल सुनचाँदी व्यवसायी महासंघका अनुसार आज छापावाल सुन प्रतितोला २ लाख ९९ हजार १०० रुपैयाँमा कारोबार हुँदैछ।

अघिल्लो दिन छापावाल सुनको मूल्य प्रतितोला ३ लाख २ हजार ३०० रुपैयाँ कायम थियो। त्यसको तुलनामा आज सुनको मूल्यमा उल्लेख्य गिरावट आएको हो।

यसैगरी, चाँदीको मूल्य पनि आज घटेको छ। महासंघका अनुसार चाँदी प्रतितोला १६५ रुपैयाँले घटेर ४ हजार ६५० रुपैयाँ कायम भएको छ।

अघिल्लो दिन चाँदी प्रतितोला ४ हजार ८१५ रुपैयाँमा कारोबार भएको थियो।