काठमाडौं । बिहीबार नेपाली बजारमा सुनको मूल्य घटेको छ। छापावाल सुनको मूल्य आज प्रतितोला २ हजार ३ सय रुपैयाँले घटेको हो।
नेपाल सुनचाँदी व्यवसायी महासंघका अनुसार बुधबार प्रतितोला ३ लाख १ हजार ८ सय रुपैयाँमा कारोबार भएको छापावाल सुनको मूल्य आज घटेर २ लाख ९९ हजार ५ सय रुपैयाँ कायम भएको छ।
त्यस्तै, चाँदीको मूल्य पनि घटेको छ।
बुधबार प्रतितोला ४ हजार ६ सय ८५ रुपैयाँमा कारोबार भएको चाँदीको मूल्य आज ६० रुपैयाँले घटेर ४ हजार ६ सय २५ रुपैयाँ कायम भएको महासंघले जनाएको छ।
