काठमाडौं । लगातार दुई कारोबार दिन उकालो लागेको सुनको मूल्य आइतबार भने ओरालो लागेको छ।
स्थानीय बजारमा छापावाल सुनको मूल्य प्रतितोला २ लाख ८३ हजार २०० रुपैयाँ कायम भएको छ, जुन अघिल्लो कारोबार दिनको तुलनामा १ हजार ८०० रुपैयाँले कम हो। त्यस्तै, १० ग्राम सुनको मूल्य २ लाख ४२ हजार ८०० रुपैयाँ तोकिएको छ।
यस्तै, चाँदीको मूल्य पनि घटेको छ।
आइतबार चाँदी प्रतितोला ४ हजार ३१५ रुपैयाँमा कारोबार भइरहेको छ, जुन अघिल्लो दिनको मूल्यभन्दा ४५ रुपैयाँले कम हो।
दुई दिनको वृद्धि पछि सुन–चाँदी दुबैको मूल्य घटेसँगै बहुमूल्य धातु बजारमा पुनः गिरावट देखिएको छ।
