काठमाडौं । स्थानीय बजारमा बुधबार सुनचाँदीको मूल्य उल्लेख्य रूपमा बढेको छ। नेपाल सुनचाँदी व्यवसायी महासंघका अनुसार आज सुनको मूल्य प्रतितोला २ लाख ८८ हजार रुपैयाँ पुगेको छ।
यो मूल्य मंगलबारको तुलनामा प्रतितोला ४ हजार २०० रुपैयाँले बढी हो। अघिल्लो दिन सुन प्रतितोला २ लाख ८३ हजार ८०० रुपैयाँमा कारोबार भएको थियो।
त्यस्तै, आज छापावाला सुनको मूल्य प्रतिदश ग्राम २ लाख ४६ हजार ९१५ रुपैयाँ कायम गरिएको छ।
चाँदीको मूल्यमा पनि वृद्धि देखिएको छ। बुधबार चाँदी प्रतितोला ४ हजार ४७५ रुपैयाँ पुगेको छ, जुन अघिल्लो दिनको ४ हजार ३८० रुपैयाँको तुलनामा ९५ रुपैयाँले बढी हो।
अन्तर्राष्ट्रिय बजारमा डलर कमजोर बनेसँगै सुनको मूल्यमा आएको उतारचढावको प्रभाव नेपाली बजारमा पनि परेको महासंघले जनाएको छ।
