काठमाडौँ । स्थानीय बजारमा सुनको मूल्यमा निरन्तर वृद्धि देखिएको छ। नेपाल सुनचाँदी व्यवसायी महासंघका अनुसार बिहीबार सुनको मूल्य प्रतितोला २ लाख ९६ हजार रुपैयाँ कायम भएको छ।
अघिल्लो दिन प्रतितोला २ लाख ८८ हजार रुपैयाँ रहेको सुन एकै दिनमा ८ हजार रुपैयाँले बढेको हो। यसअघि पनि सुनको मूल्य ४ हजार २ सय रुपैयाँले बढेको थियो।
यसरी पछिल्ला दुई दिनमै सुनको मूल्य कुल १२ हजार २ सय रुपैयाँले वृद्धि भएको छ।
१० ग्राम सुनको मूल्य पनि बढेर २ लाख ५३ हजार ७७० रुपैयाँ पुगेको छ। अघिल्लो दिन १० ग्राम सुनको मूल्य २ लाख ४६ हजार ९१५ रुपैयाँ रहेको थियो।
यस्तै, चाँदीको मूल्यमा पनि वृद्धि भएको छ। बिहीबार चाँदी प्रतितोला ४ हजार ५७० रुपैयाँ पुगेको छ, जुन अघिल्लो दिनको ४ हजार ४७५ रुपैयाँको तुलनामा ९५ रुपैयाँले बढी हो।
