काठमाडौं । साताको अन्तिम कारोबार दिन शुक्रबार सुनचाँदीको मूल्यमा वृद्धि देखिएको छ। नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला २ हजार ७ सय रुपैयाँले बढेको छ।
बिहीबार प्रतितोला २ लाख ८४ हजार ७ सय रुपैयाँमा कारोबार भएको सुन आज बढेर २ लाख ८७ हजार ४ सय रुपैयाँ पुगेको छ।
त्यस्तै चाँदीको मूल्यमा पनि वृद्धि देखिएको छ।
अघिल्लो दिन प्रतितोला ४ हजार ३४० रुपैयाँ कायम रहेको चाँदी आज १७० रुपैयाँले बढ्दै ४ हजार ५१० रुपैयाँ पुगेको छ।
अन्तर्राष्ट्रिय बजारको प्रभावसँगै स्थानीय बजारमा पनि सुनचाँदीको मूल्यमा उतारचढाव देखिँदै आएको छ।
