काठमाडौं । नेपाली बजारमा बुधबार सुनचाँदीको मूल्य घटेको छ। अघिल्लो दिनको तुलनामा सुनको भाउ ९ सय रुपैयाँले घटेर प्रतितोला २ लाख ८७ हजार १ सय रुपैयाँमा झरेको हो।
यसअघि मंगलबार छापावाल सुनको मूल्य प्रतितोला २ लाख ८८ हजार रुपैयाँ कायम रहेको थियो। लगातार घट्दो क्रममा रहेको सुनको मूल्यले बजारमा केही सहजता देखिएको छ।
त्यस्तै, चाँदीको मूल्यमा पनि गिरावट आएको छ। मंगलबार प्रतितोला ४ हजार ५५५ रुपैयाँ रहेको चाँदी बुधबार ५५ रुपैयाँले घटेर ४ हजार ५०० रुपैयाँमा झरेको छ।
नेपाल सुनचाँदी व्यवसायी महासंघका अनुसार अन्तर्राष्ट्रिय बजारको प्रभावसँगै स्थानीय बजारमा मूल्य समायोजन भइरहेको हो।
