काठमाडौँ । स्थानीय बजारमा सुन र चाँदीको मूल्यमा सामान्य गिरावट देखिएको छ। नेपाल सुनचाँदी व्यवसायी महासंघका अनुसार बिहीबार छापावाल सुनको भाउ प्रतितोला १ सय रुपैयाँले घटेर २ लाख ९७ हजार २ सय रुपैयाँमा झरेको छ।
अघिल्लो दिन भने सुनको मूल्य २ लाख ९७ हजार ३ सय रुपैयाँ कायम भएको थियो। यससँगै सुनको मूल्यमा हल्का समायोजन देखिएको हो।
त्यसैगरी, चाँदीको मूल्य पनि घटेको छ। बुधबार प्रतितोला ४ हजार ९८० रुपैयाँ रहेको चाँदी बिहीबार ३५ रुपैयाँले घटेर ४ हजार ९४५ रुपैयाँमा कारोबार भइरहेको छ।
