काठमाडौँ । स्थानीय बजारमा सुनको मूल्य लगातार बढ्ने क्रम जारी रहेको छ। नेपाल सुनचाँदी व्यवसायी महासंघका अनुसार आज सुनको भाउ अघिल्लो दिनको तुलनामा १ हजार ४ सय रुपैयाँले वृद्धि भएको छ।
यससँगै आज छापावाल सुन प्रतितोला २ लाख ८८ हजार ७ सय रुपैयाँमा कारोबार भइरहेको छ। यसअघि पनि सुनको मूल्य ६ सय रुपैयाँले बढेर प्रतितोला २ लाख ८७ हजार ३ सय रुपैयाँ पुगेको थियो।
आजको दरअनुसार १० ग्राम सुनको मूल्य २ लाख ४७ हजार ५१५ रुपैयाँ कायम भएको छ।
सुनसँगै चाँदीको मूल्य पनि उकालो लागेको छ। आज चाँदी प्रतितोला ४० रुपैयाँले बढ्दै ४ हजार ७३० रुपैयाँ पुगेको महासंघले जनाएको छ।
