काठमाडौं । नेपाली बजारमा बिहीबार सुनको मूल्य उल्लेखनीय रूपमा उकालो लागेको छ। अघिल्लो दिनको तुलनामा छापावाल सुन प्रतितोला ६ हजार २ सय रुपैयाँले बढ्दै नयाँ मूल्य कायम भएको हो।
नेपाल सुनचाँदी व्यवसायी महासंघका अनुसार बुधबार प्रतितोला २ लाख ७७ हजार ३ सय रुपैयाँमा कारोबार भएको सुन बिहीबार बढेर २ लाख ८३ हजार ५ सय रुपैयाँ पुगेको छ।
यसैगरी, चाँदीको मूल्यमा पनि वृद्धि देखिएको छ।
बुधबार प्रतितोला ४ हजार २७० रुपैयाँ रहेको चाँदी बिहीबार १८० रुपैयाँले बढ्दै ४ हजार ४५० रुपैयाँमा कारोबार भइरहेको छ।
