काठमाडौं । साताको दोस्रो कारोबार दिन सोमबार सेयर बजारमा दोहोरो अंकको वृद्धि भएको छ । आज नेप्से परिसूचक १८.०७ अंकले बढेर २ हजार ५६०.८४ विन्दुमा पुगेको छ ।
बजारमा आज ९२ लाख ८५ हजार कित्ता सेयर किनबेच हुँदा कुल कारोबार रकम ३ अर्ब ८२ करोड ४३ लाख रुपैयाँ पुगेको छ ।
कारोबार भएका कम्पनीमध्ये १९३ वटा कम्पनीको सेयर मूल्य बढेको छ भने ८१ वटा कम्पनीको मूल्य घटेको छ । त्यस्तै, ४ वटा कम्पनीको सेयर मूल्य स्थिर रहेको छ ।
आजको कारोबारमा पियोर इनर्जीको सेयर मूल्य सर्वाधिक १५ प्रतिशतले बढेको छ । त्यस्तै, गणपति लघुवित्तको ७.३५ प्रतिशत, श्रीनगर एग्रीटेकको ६.२६ प्रतिशत, कालिका लघुवित्तको ६.२२ प्रतिशत र सागर डिस्टिलरीको सेयर मूल्य ६.२० प्रतिशतले बढेको छ ।
त्यसैगरि, रिलायन्स स्पिनिङ मिल्स्को सर्वाधिक सेयर खरिदबिक्री भएको छ । कम्पनीको आज २५ करोड २१ लाख रुपैयाँमाथिको कारोबार भएको छ ।
गरिमा विकास बैंकको १७ करोड ८८ लाख, सोलु हाइड्रोपावरको १६ करोड २७ लाख, एसवाई प्यानलको १३ करोड ४४ लाख, सुपर मदी हाइड्रोपावरको १० करोड १९ लाख रुपैयाँमाथिको कारोबार भएको छ ।
समग्रमा अधिकांश कम्पनीको सेयर मूल्यमा सुधार आएपछि नेप्से परिसूचक दोहोरो अंकले उकालो लागेको हो ।
