काठमाडौँ । निजी क्षेत्रको दूरसञ्चार सेवा प्रदायक कम्पनी एनसेलले नेपालमा थ्री जी बन्द गर्ने घोषणा गरेको छ ।
एनसेलका प्रमुख कार्यकारी अधिकृत तथा प्रबन्ध सञ्चालक जाब्बोर कायुमोभले एनसेलले २०२५ भित्रै नेपालमा थ्री जी सेवा बन्द गर्ने घोषणा गरेका हुन्।
दक्षिण एसियाका धेरै देशमा टुजी र थ्री जी बन्द गरिसकेको उल्लेख गर्दै कायुमोभले अब नेपालमा पनि बन्द गरिने बताएका हुन् ।
‘स्पेक्ट्रम अनुकुलनको लागि टुजी र थ्री जीको सेवा बन्द गर्न अपरेटरहरूलाई सहयोग गर्दै छौँ, हामी २०२५ मा ३ जी बन्द गर्दै छौँ र टु जी २०२७ मा बन्द हुन सक्छ ।’
उनका अनुसार अझै पनि ३३ लाख टु जी ह्याण्डसेट रहेकाले नयाँ प्रविधि अघि बढाउन ति सेटहरू बाधक बनिरहेका बताएका छन् ।
